सिर्जना-सुनगाभा

ठाम्-ठामै अचेल बोल्नेको जमाना आ’छ भगवान

जानेरै सम्बन्ध पोल्नेको जमाना आ’छ भगवान।

**

नाफाकै याँ खेलो आ’छ, आफ्ना सब् पराई भा’छ

समय र स्वार्थ घोल्नेको जमाना आ’छ भगवान।

**

छिनमै नाता जोड्ने आ’छ, दिनमै बाचा तोडे भा’छ

टोल्-टोल् मै विश्वास् ढोल्नेको जमाना आ’छ भगवान।

**

बेसारेको बजार आ’छ, सिधा बाँच्न गाह्रो भा’छ

बेढंग जोखिम मोल्नेको जमाना आ’छ भगवान।

**

बल् हुनेले हुकुम् ला’छ, नियम-कानून बिक्री भा’छ

मनलागी व्यापार् खोल्नेको जमाना आ’छ भगवान।

**  **