बिगारिन कसैको
म बिगार्दिन कसैको
भदुवार खोलाको
सङ्लो, कञ्चन पानी जस्तो
म यही हुँ, यही छु
म माथि
डाहाको छिड्किनी नमार कसैले
ईर्ष्याको दुश्मनी नसाँध कसैले
खुसुक्क
मलाई रेकी नगर भो
सर्लक्क
ज्युँ का त्युँ
केवल
मैले सरक्क चाहेको
जिन्दगी, बाँच्न देऊ मलाई
ओठभरी हाँसो, हाँस्न देऊ मलाई
बेरोकतोक
अघाउञ्जेल
मेरो एकरुपी साँच्न देऊ मलाई
रङ्गीन, यो दुनियाँ आँक्न देऊ मलाई।
**
सिर्जना-सुनगाभा 