Posted in समाचार (News/Info) on 03/31/2010| Leave a Comment »
स्रोत: अनलाईन खबर
सरकारले विहीबारदेखि मुलुकभर हस्तलिखित पासपोर्ट वितरणमा रोक लगाएको छ । मेसिन रिडेवल पासपोर्ट (एमआरपी) नआउन्जेलसम्मका लागि हस्तलिखित पासर्पोट वितरणमा रोक लगाईएको परराष्ट्र मन्त्रालयले जनाएको छ ।
मेसिन रिडेवल पासपोर्ट छपाईमा ढिलाई हुने भएपछि साढे २ महिनाका लागि पासपोर्ट वितरणमा रोक लगाईएको मन्त्रालयले जनाएको छ । भारतमा छपाई हुने मेसिन रिडेवल पासपोर्ट नेपालमा आउन कम्तीमा २ महिन लाग्ने छ ।
Posted in समाचार (News/Info) on 03/17/2010| Leave a Comment »
स्रोत: नयाँ पत्रिका
-प्रकाश पन्थी
अलिगढवा (भारत)। बुद्ध भारतमा जन्मिएका हुन् भनेर किताब छाप्ने भारतले अब नक्कली लुम्बिनी र तिलौराकोट पनि बनाउन थालेको छ । बुद्धको जन्मस्थल सम्बन्धी सबै विश्व मान्यता परिवर्तन गर्न भारतले उत्तर प्रदेशको अलिगढवामा धमाधम निर्माण कार्य गरिरहेको छ ।
नेपालको कपिलवस्तुसँग सीमा जोडिएको अलिगढवामा नक्कली कपिलवस्तु निर्माणकार्य अन्तिम अवस्थामा छ । उत्तरप्रदेशको सिद्धार्थनगर जिल्ला अन्तर्गत पीपरहवा क्षेत्रलाई भारतले कपिलवस्तु नामकरण गरेर बुद्ध भारतमै जन्मिएका हुन् भन्ने प्रमाणित गर्न खोजिरहेको छ ।
विश्व शान्तिका अग्रदूत सिद्धार्थ गौतम बुद्धले भारतको बोधगयामा बुद्धत्व प्राप्त गरेका भए पनि उनको जन्म नेपालको लुम्बिनीमा भएको थियो । उनी तिलौराकोटमा राजा शुद्धोधनको दरबारमा जन्मिएका थिए ।
Posted in राष्ट्रिय चासो on 03/16/2010| Leave a Comment »
स्रोत: कान्तिपुर
-का.स.
भारतले नेपालसँगको सीमा समस्या ९८ प्रतिशत समाधान भइसकेको दाबी गरे पनि नेपाली संसदको अन्तर्राष्ट्रिय सम्बन्ध तथा मानव अधिकार समितिले अधिकांश स्थानमा सीमा अतिक्रमण भइरहेको निष्कर्ष निकालेको छ । समितिले असमान सन्धि सम्झौताका कारण पनि सीमा र अन्य समस्या बढेको ठहर गर्दै सन् १९५० को शान्ति तथा मैत्री सन्धि खारेज गरी अन्तर्राष्ट्रिय कानुन अनुकूल नयाँ सन्धि गर्न भनेको छ ।
समितिले गत पुस १० देखि १९ सम्म १५ जिल्लाका प्रमुख विवादित सीमा क्षेत्रको स्थलगत अनुगमन गरेको थियो । दुईटा टोलीले गरेको अनुगमन प्रतिवदेन मंगलबार समितिले सभामुख सुवास नेम्बाङलाई बुझाउँदै सीमा क्षेत्रमा भारतीय पक्षबाट नेपालीमाथि ज्यादती बढिरहेको उल्लेख गरेको छ । ‘कालापानी र सुस्ताबाहेकका स्थानमा नेपाल र भारतबीच सैद्घान्तिक रूपमा सीमा विवाद नरहेको भन्ने परराष्ट्र मन्त्रालय र नापी विभागको भनाइ रहे तापनि नेपालका सीमा क्षेत्र भारतीय पक्षबाट अतिक्रमण गरेको पुष्टि भएको छ,’ समितिको प्रतिवेदनमा उल्लेख छ । सन् २००७ सम्म नेपाल र भारत संयुक्त प्राविधिक समितिले तयार गरेको नक्सा सन् १८१६ र १८६० मा भएका सन्धि एवं नक्साहरू अनुकूल भए/नभएको यकिन गरी समस्याग्रस्त स्थानका पुनः वैज्ञानिक नक्सांकन गर्न समितिले भनेको छ ।
Posted in समाचार (News/Info) on 03/10/2010| Leave a Comment »
स्रोत: कान्तिपुर
-डा सुवेद घिमिरे
अमेरिकन भौगर्भिक सर्भे (USGS) को तथ्यांक अनुसार पृथ्वीमा हरेक वर्ष एउटा महाभूकम्प (म्याग्निच्युड ८ भन्दा ठूलो), हरेक २० दिनमा एउट ठूलो भूकम्प (म्याग्निच्युड ७.९), हरेक महिना १२ वटा तीव्र भूकम्प (म्याग्निच्युड ६-६.९), हरेक दिन चारवटा मध्यम भूकम्प (म्याग्निट्युड ५-५.९), हरेक दिन ११० वटा हल्का भूकम्प (म्याग्निट्युड ४-४.९), हरेक दिन चार हजार जति स-साना भूकम्प (म्याग्निट्युड ४ भन्दा साना) जाने गर्छन् । विश्व मानचित्रमा यस्ता भूकम्पहरू मुख्यतया टेक्टोनिक प्लेटहरूका सीमा क्षेत्रमा जाने गर्छन्, जहाँ टेक्टोनिक प्लेटहरू बन्ने वा नष्ट हुने प्रक्रिया भइरहेको हुन्छ । भूकम्प विज्ञानको विकासले भूकम्पीय स्रोत, प्रक्रिया, तरंगहरूको प्रसारण विधि र असर सम्बन्धमा ठूलै फड्को मारिसकेको भए तापनि पूर्वानुमान गर्न भने असम्भव छ । भूकम्पलाई नियमित प्राकृतिक प्रक्रियाका रूपमा बुझ्दै यसका असरहरूलाई कसरी न्यूनीकरण गर्ने भन्ने विषयमा सोच्नु श्रेयस्कर हुन्छ ।
Posted in गजल on 03/03/2010| Leave a Comment »
कोसँग, खोल्यौ के बुझिन
बैंशमा पोल्यौ के बुझिन
**
सार्थें कि सपनी तिमीलाई
घमण्ड घोल्यौ के बुझिन
**
सिर्जना-सुनगाभा 