सिर्जना-सुनगाभा

स्रोत: नयाँ पत्रिका

-प्रकाश लम्साल

बारा। बारामा सुरक्षा स्थिति नाजुक हुँदा अवैध हातहतियार बोकेर हिँड्ने क्रमले व्यापकता पाएको छ　। अपराधीहरूले मात्र होइन, आमनागरिकले समेत आत्मसुरक्षाका लागि अवैध हतियार बोक्न थालेका छन्　।

अपहरण, धम्की, चन्दा असुली र हत्याको शृंखला बढ्दै गएपछि सुरक्षा स्थिति नाजुक बनेको हो　। सशस्त्र भूमिगत संगठन र आपराधिक कार्यमा संलग्नबाहेक आमनागरिक, राजनीतिक दलका नेता-कार्यकर्ता तथा व्यापारीले घरमा हतियार राख्न र बोकेर हिँड्ने गरेको पाइएको जिल्ला प्रहरी कार्यालय बाराले जनाएको छ　। पछिल्लो समय जिल्लामा धमाधम हातहतियार सहित थु्रपै व्यक्ति पक्राउ पनि परेका छन्　।

(more…)

Read Full Post »

स्रोत: ई-कान्तिपुर

-पूर्ण विके

तनहुँ। काउली भनेको बाघ, ताप भनेको कुखुरा, भालु भनेको शाही, वुक्ता भनेको कपडा आग भनेको आउनुहोस् …जस्ता कुसुण्डा भाषालाई खस भाषामा उल्था गर्दै राजामामा कुसुण्डाले मंगलवार भने, ‘वोल्ने मान्छे नहुँदा आफ्नै भाषा वोल्न विर्सिसकिएछ ।’

आमा विष्णुमायाको मृत्युपछि दोहोरो कुरा गर्ने अर्का कुसुण्डा नहुँदा कुसुण्डा भाषा वोल्न विर्सिएको राजामामाले वताए । उनी मुलुक कै कुसुण्डा भाषा वोल्ने एक्ला हुन् । उनी हाल व्यास १ तालघरेमा वस्दै आएका छन् । ‘भाषा वोल्न छोडेको पनि करिव २१ वर्ष भै सक्यो । के सम्झन सकिन्थ्यो र ?’ राजामामाले आमा जिवित छँदा कुसुण्डा भाषामा दोहोरो कुरा गर्ने गरेको वताउँदै भने, ‘आमाको मृत्युपछि भाषा वोल्ने मान्छे नै भएनन् । कोसँग वोल्ने ?’

(more…)

Read Full Post »

स्रोत: ई-कान्तिपुर

-डीआर पन्त

डडेल्धुरा। लालीगुराँस कहिले फुल्ला ? सजिलै जवाफ मिल्छ – फागुनको अन्तिम सातापछि ।तर, डडेलधुरामा यो वर्ष पुसको पहिलो सातादेखि नै ढकमक्क लालीगुराँस फुल्न थालेपछि सबै छक्क परेका छन् ।

‘यो वर्ष, न हिउँ पर्‍यो न त चिसो नै बढ्यो, तर पुसमै लालीगुराँस फुल्यो,’ कार्यालयनजिकै ढकमक्क फुलेको सामुदायिक वनतर्फ देखाउँदै सहायक वन अधिकृत राजेश शाहले भने, ‘यो त अचम्मै भयो ।’ बेमौसममा फुलेको लालीगुराँस हेर्न स्थानीय मात्र होइन, जिल्ला बाहिरका व्यक्तिहरूको पनि भीड लाग्ने गर्छ ।

(more…)

Read Full Post »

स्रोत: कान्तिपुर

-दीनानाथ शर्मा

फरिद जाकरिया सुपरिचित अमेरिकी लेखक तथा राजनीतिक विश्लेषक हुन् । अमेरिकाबाट प्रकाशित हुने न्युजविक साप्ताहिकका सम्पादक, अन्तर्राष्ट्रिय गतिविधिका नियमित लेखक तथा अमेरिकी टेलिभिजन च्यानल सीएनएनका सञ्चालक पनि । जाकरियाले धेरै किताब लेखेका छन् । तीमध्ये स्वतन्त्रताको भविष्य ‘द फ्युचर अफ फ्रिडम’ सर्वाधिक बिक्री हुने किताब मध्ये एक हो । नोबल शान्ति पुरस्कार विजेता हेनरी किसिन्जर लगायतले उक्त पुस्तकको मुक्तकण्ठले प्रशंसा गरेपछि उनको कद ह्वात्तै बढ्यो ।

मैले केही समय पहिले उनको पछिल्लो पुस्तक अमेरिकी विश्वपछि ‘द पोस्ट अमेरिकन वल्र्ड’ प्रकाशित हुँदै छ भन्ने विज्ञापन पढेको थिएँ र त्यो किताबप्रति मेरो लगाव बढेको थियो । एक दिन एकजना कूटनीतिक नियोगमा काम गर्ने मित्रसित ठमेलको कफी हाउसमा भेट भयो । अध्यक्ष क. प्रचण्डको हालैको चीन भ्रमणबारे समीक्षा भयो । नेपालको भारत र चीनसितको कूटनीतिक सम्बन्ध कस्तो हुनुपर्ला भन्नेबारे कुरा भयो । कुरा तन्किँदै गयो । एसिया र विश्वकै आर्थिक राजनीतिक भविष्यबारे केहीबेर छलफल भयो ।

(more…)

Read Full Post »