Posted in कविता on 09/30/2009| 2 Comments »
(वि.सं.२०६६ साल, विजया दशमीका अवसरमा पुल्मन, वासिङ्टन, अमेरीकामा आयोजना गरिएको एक सौहार्दपूर्ण कार्यक्रममा वाचित कविता।)
परदेशको यो प्राङ्गणभरी
जमारा
एउटा दशैं मनाऊँ भन्छु
घर छाडी टाढा आज
भव्य संयोग बनाऊँ भन्छु।
**
नियतिको नभ-भरी
फूलको नसा रसाऊँ भन्छु
पेवा होइन, पराई छैन
नेपाली मन बगाऊँ भन्छु।
**
Posted in समाचार (News/Info) on 09/17/2009| 1 Comment »
स्रोत: कान्तिपुर
-कौसर शाह
महिना दिनसम्म भगवानको नाममा व्रत बसेर गरिने प्रार्थनापछि चन्द्रमा देखेको दोस्रो दिन मुस्लिमहरूको पर्व इद हुन्छ । यो दिन हामी मुस्लिमहरूको महान् पर्व हो । मुस्लिमहरूको रोजा -व्रत) इस्लामी महिनाअनुसार नवौं महिनामा पर्छ । यो महिनाको व्रतलाई रमजान भनिन्छ । अरबी भाषामा यसलाई स्वयम् पनि भनिन्छ । यो महिनाभर दिनरात अल्लाह -भगवान्) को प्रार्थना गरिन्छ । त्यसकारण अर्को पवित्र ग्रन्थ हदिसमा लेखिएको छ, ‘यसलाई रमजान मात्र नभनौं, माहे रमजान भनौं ।’ रमजाको मतलब हो, गर्मीबाट जल्नु । यो महिनामा गर्मी, भोक, प्यासबाट जति तड्पिइन्छ त्यति नै पाप काटिन्छ भन्ने विश्वास मुस्लिम समुदायमा छ । यो महिनालाई तीन भागमा विभाजित गरिएको छ । सुरुका १० दिन क्रिपाका दिन, बीचका १० दिन अल्लातालाबाट माफी दिइने दिन र अन्तिम १० दिन नर्कबाट बच्नका लागि भोकै बसेर मनाइने दिन ।
Posted in स्वास्थ्य on 09/16/2009| Leave a Comment »
स्रोत: कान्तिपुर
-डा केदार कर्माचार्य
विश्वका अधिकांश विकसित राष्ट्रहरूमा मृत्युका पाँच प्रमुख कारणमध्ये एक पक्षाघात तथा मस्तिष्कघात भएको तथ्यांकबाट पुष्टि भएको छ । त्यस्तै हाम्रोजस्तो अविकसित मुलुकमा पनि अज्ञानता र असावधानीले गर्दा यस्तो समस्या दिनानुदिन वृद्धि भइरहेको पाइन्छ । मानिसको उमेर प्रायजसो ४० वर्ष काटेपछि कतिपय कारणले गर्दा शरीरको हात-खुट्टा वा एकतिरको वा पूरै भाग चल्न नसक्ने हुन्छ जसलाई चिकित्सकीय भाषामा प्यारालाइसिस र नेपालीमा पक्षाघात भनिन्छ । शरीरको एकातिरको सम्पूर्ण भाग नचल्नुलाई हेमिप्लेजिया, दुवै खुट्टा नचल्ने अवस्थालाई प्याराप्लेजिया तथा समस्त हात र खुट्टाको पक्षाघातलाई Quadriplegia भनिन्छ ।
पक्षाघातबाट ग्रसित मानिसको अनुहारदेखि पैतालासम्मका मांसपेशी अत्यन्त कमजोर हुने भएकाले आफैंले आफ्नो दैनिक क्रियाकलाप सञ्चालन गर्न सक्षम हुँदैन ।
Posted in राष्ट्रिय चासो on 09/16/2009| Leave a Comment »
स्रोत: नागरिक
नेपालको राष्ट्रिय झण्डा
-माधव ढुङ्गेल
एकीकृत नेकपा माओवादीले चन्द्र-सूर्य अंकित मुलुकको राष्ट्रिय झण्डाले राजतन्त्र र हिन्दू अधिराज्यको झलक दिने दाबी गर्दै त्यसलाई परिवर्तन गर्न प्रस्ताव गरेको छ। माओवादी नेता देवप्रसाद गुरुङले संविधानसभा संवैधानिक समितिद्वारा गठित प्रारम्भिक मस्यौदा उपसमिति बैठकमा यस्तो प्रस्ताव गरेका हुन्।
Posted in स्वास्थ्य on 09/13/2009| 1 Comment »
स्रोत: कान्तिपुर
यो खाद्यपदार्थ मानवलाई प्रकृतिको अनुपम उपहार हो । मौरीद्वारा फूलको रसबाट प्राकृतिक रूपले तयार गरिएको मह नै प्राचीन- कालमा मिष्ठान्नको एकमात्र ज्ञात स्रोत थियो । महलाई चिकित्सा विज्ञानले पनि पौष्टिक आहार मानेको छ । यसमा कार्बोहाइड्रेट, प्रोटिन, भिटामिन, खनिज, अमिनो एसिडलगायतका सबै आवश्यक तत्त्व पाइन्छ ।
मह सेवनको प्रमुख फाइदा भनेको पूर्णरूपमा पाचन हुने विशेषता हो । यसकारण महबाट शिशुलाई पनि तुरुन्तै लाभ हुन्छ । यसको नियमित सेवनले स्मरणशक्ति पुनःप्राप्त हुन्छ । मह मीठो त्यसमा पाइने चिनीले गर्दा हुन्छ । यसमा चिनीको मात्रा ७० देखि ८० प्रतिशतसम्म हुन्छ । यो चिनीमा ग्लुकोज र फुटक्रोज बराबर पाइन्छ । यो तत्त्वले रगतमा सीधै शोषित भएर तुरुन्त ऊर्जा दिन्छ ।
Posted in राष्ट्रिय चासो on 09/09/2009| Leave a Comment »
स्रोत: अनलाईन खबर
प्रधानमन्त्री माधबकुमार नेपालको आसन्न चीन भ्रमणमा भारतले चासो राखेको छ । नेपालका लागि भारतीय राजदूत राकेश सूदले प्रधानमन्त्री नेपाललाई आज विहान बालुवाटारमा भेट्दै आसन्न चीन भ्रमणबारे चासो राख्नु भएको हो ।
प्रधानमन्त्रीको आसन्न चीन भ्रमणको वातावरण मिलाउन भन्दै चीन जानुभएकी परराष्ट्रमन्त्री सुजाता कोइला नेपाल फर्केपछि प्रधानमन्त्री नेपाल चीन भ्रमणमा जाने कार्यक्रम छ ।
भेटमा राजदूत सूदले नेपालभारत सम्बन्धमा दूरगामी असर पुर्याउन सक्ने कुनै पनि सम्झौता नगर्न प्रधानमन्त्री नेपाललाई दवाव दिएको बुझिएको छ ।
Posted in समाचार (News/Info) on 09/02/2009| Leave a Comment »
स्रोत: कान्तिपुर
– राजन राज पन्त
प्रविधिले विकासले धेरैलाई कम्प्युटरसँग नजिक बनाएको छ । इन्टरनेटको तीव्र विकास र प्रयोगले यसलाई अझ छिटो र प्रभावकारी माध्यम बनाइदिएको छ । तर प्रयोगसँगै यससम्बन्धी अपराध पनि बढिरहेका छन् । सुरक्षाका विभिन्न तरिका अपनाइए पनि पनि अझ नयाँ विशेषताको अपराध हुने गरेका छन् ।
त्यसमध्येकै एक ठगी प्रक्रिया हो, फिसिङ । फिसिङ भनेको आपराधिक ठगी प्रक्रिया हो, जसले संवेदनशील सूचनाहरू जस्तै पासवर्ड, क्रेडिट कार्डको विवरण तथा व्यक्तिगत विवरण्ालाई भरपर्दो तथा विश्वसनीय देखाई चोर्ने प्रयास गरिन्छ । प्रायः प्रचलित र इन्टरनेट प्रयोगकर्ताले सजिलै विश्वास गर्ने सामाजिक वेबसाइट, लिलाम तथा ई कमर्सका साइट, बैंकका साइट, अनलाइन-पेमेन्ट, प्रोसेसिङका वेबसाइट यसका लागि प्रयोग गरिन्छ ।
Posted in राष्ट्रिय चासो on 09/02/2009| Leave a Comment »
स्रोत: कान्तिपुर
टीकापुर। नेपाल भारत सीमाका ९८ देखि १ सय ९ नम्बरसम्म सीमास्तम्भ मोहना नदी कटानले बगाएको छ । सशस्त्र प्रहरी सीमा सुरक्षा बल भजनी कैलालीले सीमा क्षेत्र निरीक्षणपछि यसबारे थाहा भएको हो ।
सीमा निरीक्षण क्रममा १०२, १०३, १०६, १०७ र १०८ नं.का सीमास्तम्भ नभेटिएको सशस्त्रका निरीक्षक सन्तराम चौधरीले बताए ।
Posted in समाचार (News/Info) on 09/01/2009| 5 Comments »
स्रोत: कान्तिपुर
संखुवासभा। सुन्दा पत्याउन कठिन । एउटा रुद्राक्षको कर मात्रै ३० हजार रुपैयाँ । हो, भोजपुरको केउरेनीपानी गाविसमा फलेको २१ मुखे रुद्राक्ष संखुवासभामा बिक्री हुँदा जिल्ला विकास समितिले ३० हजार रुपैयाँ कर लिएको छ ।
केउरेनीपानीका राजन कार्कीले फलाएको उक्त दानाको मूल्य १५ लाख रुपैयाँ निर्धारण गर्दै जिविसले कर लिएको हो ।
रुद्राक्ष उत्पादक कार्कीले नै त्यसको मूल्य १५ लाख बताएपछि २ प्रतिशतका दरले ३० हजार रुपैयाँ कर लिएको निमित्त स्थानीय विकास अधिकारी माधवप्रसाद अधिकारीले बताए ।
सिर्जना-सुनगाभा 