स्रोत: कान्तिपुर
-कान्तिपुर संवाददाता
काठमाडौ। वरिष्ठ गीतकार राममान तृषितको मंगलबार निधन भएको छ । लामो समय देखि मृगौला रोगले पीडित ७१ वर्षीय गीतकार चाबहिल स्थित मेडिकेयर अस्पतालमा 
उपचाररत थिए ।
सयौं गीत लेखेका तृषितका ‘मान्छेको माया यहाँ खोलाको पानी जस्तो…,’ ‘मैले पुण्य मन पराएँ, या पाप मन पराएँ…,’ ‘तिमीले सोध्यौ सन्चै छौ भनी म सन्चो भइहालें…,’ ‘कोहीले चाँदी राम्रो भन्छन्…’ जस्ता सिर्जना सदाबहार छन् ।
तृषितले २०१० सालमै नवकला परिवार स्थापना गरी शिवशंकर, नारायणगोपाल, तारादेवी, प्रेमध्वजलगायतलाई लिएर उपत्यकाका चोकचोकमा सांगीतिक कार्यक्रमको थालनी गराएका थिए । २०१३ मा रेडियो नेपालबाट तारादेवीको स्वरमा उनको पहिलो गीत बजेको थियो ।
सिर्जना-सुनगाभा 