ढाँट्नु, छल्नु, इलम भैगो पारे दिउँसै यीनले राती
देश थोत्र्याउने बेइमान नेता बाँच्नु भन्दा मर्नै जाती
**
लाजको लर्को पचेपछि, ईज्जत भए पो बेईज्जत हुन्थ्यो
खोली शाखा, छली आँखा, लुच्छन् यीनले देशको छाती
**
Archive for the ‘गजल’ Category
गजल
Posted in गजल on 12/16/2009| 1 Comment »
गजल
Posted in गजल on 11/25/2009| 2 Comments »
मखलेलमा मेवा जस्तो खान्छौ कति मेरो देशलाई
तिम्रै बाऊको पेवा जस्तो ठान्छौ कति मेरो देशलाई
**
आशै-आश बक्रबास भो कानून छैन वशमा कतै
सन्की तालमा सुर्किनीले बान्छौ कति मेरो देशलाई
**
गजल
Posted in गजल on 10/28/2009| Leave a Comment »
संझनाको डिलमा खुनी, तिम्रै छायाँ लुकेर गो
रञ्जनाको राग थुनी, थुप्रै आँसु सुकेर गो
**
अचाक्ली यो पीरको पिरो, रसादीले मेट्ला के र
प्रतिक्षाको पाल मुनि, थुप्रै वाचा झुकेर गो
**
गजल
Posted in गजल on 08/26/2009| 2 Comments »
२०६६ तीजका अवसरमा–
हँसिलो त्यो मुहारसित, भित्र ब्याथा थुन्छ्यौ के थाहा
भेट्दा मुस्कान ओठभरी, निदमा एक्लै रुन्छ्यौ के थाहा
**
कहिले गाउँमा, कहिले बेसी, मौका सर्दै टर्दै आयो
सौहार्दता बाहिर छरी, दिलमा कालो बुन्छ्यौ के थाहा
**
ग ज ल
Posted in गजल on 05/27/2009| Leave a Comment »
वास्ता तिमीले गरिनौ खै, आफै भेट्न आऊँ कि कसो
व्यस्तता यो थाँती राखी, एउटा पाईला धाऊँ कि कसो
**
साता मात्र हुन्थ्यो कहाँ, महिनौं भईगो पर्खी आ’को
शुन्यता यो चिरीवरी, एउटा माया लाऊँ कि कसो
**
गजल
Posted in गजल on 05/06/2009| 1 Comment »
बोली तिम्रो बिझ्दा आज, हावासरी डुल्दैछु म
अजम्बरी भन्ने माया, दु:खभरी भुल्दैछु म
**
बाध्यता यो लेख्नु पर्यो, यथार्थता खोज्छु भन्दा
निष्ठुरी त्यो भुल्न छायाँ, घुम्तीभरी घुल्दैछु म
**
निस्तो दिन देख्नु पर्यो, वास्तविकता बोल्छु भन्दा
शुन्य चित्र दाँया-वाँया, अभावभरी फुल्दैछु म।
** **
ग ज ल
Posted in गजल on 04/15/2009| 4 Comments »
सप्रेला केही गम्दागम्दै, यो वर्ष नि घर्केर गो
सालभरी सम्भावना, फुल्नै नपाई फर्केर गो
**
अभागीमै दर्ता भा’को, छ कि क्या हो मेरो देश त
खुल्ला, फुल्ला भन्दाभन्दै, लाउने दिन लर्केर गो
** (more…)
ग ज ल
Posted in गजल on 04/01/2009| Leave a Comment »
तिम्रो गुणगान सुन्दा धेरै, आज मुहार हेर्न आएँ
धोको मेट्ने माया रोज्दा, खानु गोता फेर्न पाएँ
**
मैले सोच्ने सुख मात्रै, के हुन्थ्यो र जिन्दगी यो
नौजालभित्र लड्दै बढ्दै, तिम्रो बखान केर्न आएँ
** (more…)
गजल
Posted in गजल on 03/15/2009| Leave a Comment »
सोझो हुनु अभिसाप भो, कपट कै रजाईं भो
मान्छेभित्र मान्छे भेट्ने, मेरो आशा थकाई भो
**
सप्रियो कि मान्छे भन्थें, दिलको छुरा ताजै रैछ
साँचो नाता पलाउला कि, व्यर्थै मेरो सोधाई भो
**
अजातशत्रु मान्छे भन्थे, निष्ठुरीको बीऊ पो रे’छ
विडम्बना भोग्दै-झेल्दै, बाँच्नु मेरो कमाई भो
**
सत्यता को विश्वासी म, खानु दु:ख खेप्नु रे’छ
अप्ठ्यारो र असन्तोष यो, ज्यानकै मेरो भोगाई भो
** **
ग ज ल
Posted in गजल on 02/25/2009| 3 Comments »
भनौं भने बोली पासो, डर मलाई ‘कुरो’ को भो
नबोलौं त कुरा साँचो, मनको आगो ‘जुरो’ पो भो
**
पर्खी बसें मझेरीमा, मौका आउला फुकाउँला यो
रात बिती अभ्रख जस्तो, नामर्द नि सुरो पो भो
**
सकल यो चर्तिकला, दिनपछी रात छ साक्षी
हाकहाकी मेरो पन त, माछोको यो भुरो पो भो
**
काटी हेर्छु, छाँटी हेर्छु, गुदी यसमा तीतो माथी
खरिएर मेरो खसखस्, सिसा भन्दा झुरो पो भो
**
फल टिप्छु भन्दै म छु, फूलै फुल्ने छाँट छैन
सिंगै बखान पोख्छु भन्दा, मेरै भाग पुरो पो भो
** **
सिर्जना-सुनगाभा 