नयाँ वर्ष
मौसम चुनेर
आउँछौ भने यसपाली,
जिवनको खण्डहरभित्र
विकासको मरुस्थलभित्र
बसन्त-बैंशमा
ठिम-ठिम
कल्कलाउँदो भएर आउनू
मोफसलमा
सरोकार स्वीकार्ने गरी आउनू।
** (more…)
Archive for the ‘कविता’ Category
नयाँ वर्ष
Posted in कविता on 04/13/2009| 6 Comments »
शैतानको शैली
Posted in कविता on 04/08/2009| 2 Comments »
धुम्रपानले लिन्छ ज्यान,
एउटा चुरोट पारखी
गाँउले माड्साब
कक्षामा चिच्याइरहेछ।
पथभ्रष्ट, पथप्रदर्शक बनिरहेछ,
पथभ्रष्ट, दिशानिर्देश गरिरहेछ।।
**
भ्रष्टाचारमुक्त प्रशासन,
एउटा घुस्याहा हाकिम
जुँगा मुसार्दै
साखिलो बन्छ।
नैतिकता नामेट छ,
अनुशासन रड्डीमा मिल्किइरहेछ।।
** (more…)
त्यही लेख्छु
Posted in कविता on 03/25/2009| 2 Comments »
म सबै जान्दिन
निपूर्ण ठान्दिन
आफ्नो पनले तिखार्छु
मनले निखार्छु
साँचो म के देख्छु
जे देख्छु, त्यही लेख्छु।
**
संसार यो बुझ्दैछु
भिडमा खुल्दैछु
दुखेको ओकल्छु
लुकेको खोतल्छु
सत्य म के देख्छु
जे देख्छु, त्यही लेख्छु।
**
अँगेनोको छेउमा…. (Sajha)
शब्द फूल
Posted in कविता on 03/20/2009| 6 Comments »
बसन्त आगमनको अवसरमा:
Spring (msn)
नचिने नि
आज चिनेर तिमीलाई
नबुझे नि
आज बुझे झैं तिमीलाई
स्वागतको
यो एक शब्द फूल।
**
बिर्सिए नि
आज संझेर तिमीलाई
ओइलिए नि
आज सजल तिमीलाई
स्वागतको
यो एक शब्द फूल।
**
हिंजै भेटे नि
बिगत संझाउन तिमीलाई
पराई देखे नि
मैत्री गाँसेर तिमीलाई
स्वागतको
यो एक शब्द फूल।
**
नजाँचे नि
शालिन देखेर तिमीलाई
नजाने नि
माया साँचेर तिमीलाई
स्वागतको
यो एक शब्द फूल।
**
कौटिल्य लुके नि
मानवी देखेर तिमीलाई
यथार्थ छिपे नि
पौरखी बुझेर तिमीलाई
शुभ-कामना’को
यो एक शब्द फूल।
**
भावुक भए नि
रसिक ठानेर तिमीलाई
सामान्य देखे नि
विशाल जानेर तिमीलाई
शुभ-कामना’को
यो एक शब्द फूल।
**
साईत नैं छुटे नि
शुभ, यो सोचेर तिमीलाई
बोली यो दुखे नि
कामना साँधेर तिमीलाई
शुभेच्छा’को
यो एक शब्द फूल।
** **
हिउँको जाडो
Posted in कविता on 03/06/2009| 2 Comments »
हिउँद यो सारेर सर्दैन
चिसो यो टारेर टर्दैन
नजाती उही छाउँदो पो छ
श्वेत-शैतान यो हिउँको जाडो।
**
चिनीसरी बर्षा झर्छ
जादू-दृष्य जस्तै लाग्छ
बिर्सुं भन्दा झनै गाढा
बेचैनीको विशाल यो हिउँको जाडो।
**
थोरै पर्दा खुशी छर्छ
धेरै हुँदा तनाव भर्छ
हट्ला भन्दा बढ्दो पो छ
अभिशाप यो हिउँको जाडो।
**
कुईरीमण्डल क्षणमै गर्छ
ईञ्चको नाप त्यो फुटमा सर्छ
चिसोको त साम्राज्य हो
हैरानी यो हिउँको जाडो।
**
एक दिन पर्यो साता बस्छ
मुटु छेंड्दै जाडो पस्छ
उपमा नि के दिउँ म खै
बैगुनी यो हिउँको जाडो।
**
बरफ जम्दा बाटोघाटो
यसले काढ्छ सबको सातो
आउँदैन कि बसन्त झैं
न्यास्रो पाल्ने यो हिउँको जाडो।
**
धेरै ठूलो छाडौं कुरा
के खालान् ती कीरा-भुरा
चहलपहल ठप्प पो छ
नचाहेरै स्वीकार्य यो हिउँको जाडो।
**
लर्तरो यो लुगाले धान्दैन
कमसल त्यो जुत्ताले मान्दैन
शक्तिशाली जिउँदो पो छ
निष्ठुरी यो हिउँको जाडो।
** **
नियति
Posted in कविता on 02/28/2009| 4 Comments »
व्यस्त संसार, खुल्ला निश्वास, पेवा होइन कसैको यो
आनन्दको सर्वोच्चता, सर्वव्यापी फुल्दैन यो,
सजिव इच्छा छेकिंदो छ, रोचक कथा जिन्दगी यो
विवेकको वशभित्र, झुल्दो छैन नियति यो,
**
समस्याको खडेरीमा, अठोटहरु छिपेपछी
पौरखीको मझेरीमा, जिउँदो वाचा झुकेपछी,
फुलेल हुने झिनो आशा, ओईली झर्छ बलेनीमा
उमंगको भित्री संसार, रुझिदिन्छ परेलीमा,
**
बाध्यताको भूमरीले, जिजीविषा च्यापेपछी
सम्पन्नता सिर्जनाको, जन्मशत्रु निस्केपछी,
सास्ती बीच संकल्प यो, चेतनाको चुली भा’छ
मात्र संझे परिवर्तन, जागृतिको गीत गा’छ,
**
शताब्दीको शिखर यो, सुस्तताले भिजेपछी
असमेल यो संभावना, नेपथ्यमा डुबेपछी,
संयमता सँगेलेर, आक्रोश आशा बन्दोरेछ
आवेश छाडी संघर्षले, जिउँदो कर्म बुन्दोरेछ,
**
औकातमुनि निमुखाको, फुल्दो आशा फाटेपछी
मर्स्याङ्दी र कुलेखानी, टाढा नाता गाँसेपछी,
सुकुल माथी धुलो-धुवाँ, मोहको यो मुकाम भा’छ
जल्दो, ज्यूँदो, मैनबत्ती, दिलको मेरो चन्द्र भा’छ,
**
जिउने चोला एकान्तमा, अभ्यस्तता बढेपछी
अभाव नैं दैनिकीको, पर्याय यो भएपछी,
व्यग्रतामा प्रतिक्षा यो, मार्ग स्वयं बन्दोरेछ
संभावना, यथार्थमा, साक्षात्कार यो गर्दोरेछ,
**
व्यस्त संसार, खुल्ला निश्वास, पेवा होइन कसैको यो
आनन्दको सर्वोच्चता, सर्वव्यापी फुल्दैन यो,
सजिव इच्छा छेकिंदो छ, रोचक कथा जिन्दगी यो
विवेकको वशभित्र, झुल्दो छैन नियति यो,
****
सिर्जना-सुनगाभा 