भनौं भने बोली पासो, डर मलाई ‘कुरो’ को भो
नबोलौं त कुरा साँचो, मनको आगो ‘जुरो’ पो भो
**
पर्खी बसें मझेरीमा, मौका आउला फुकाउँला यो
रात बिती अभ्रख जस्तो, नामर्द नि सुरो पो भो
**
सकल यो चर्तिकला, दिनपछी रात छ साक्षी
हाकहाकी मेरो पन त, माछोको यो भुरो पो भो
**
काटी हेर्छु, छाँटी हेर्छु, गुदी यसमा तीतो माथी
खरिएर मेरो खसखस्, सिसा भन्दा झुरो पो भो
**
फल टिप्छु भन्दै म छु, फूलै फुल्ने छाँट छैन
सिंगै बखान पोख्छु भन्दा, मेरै भाग पुरो पो भो
** **
ग ज ल
02/25/2009 by Bhim
सिर्जना-सुनगाभा 
ल बधाई छ भिम जी, तपाईंको आफ्नै ब्लग देख्न पाउदा धेरै खुशी लाग्यो, यो ब्लग कविता नै कविता ले भरिपूर्ण होस्, ती सबै कृतिहरु हामी सर्वसाधारणले पढ्न पाउ । जय होस्!
sweet….ajhai naya naya gajal ra kabita le thau pawos tapainko yo ‘srijana sungabha ma’..
Thanks Ramji dai, and Surya.